У Выдавецкім доме “Педагагічная прэса” — свята. Навукова-педагагічнаму часопісу “Народная асвета” — 100 гадоў! З гэтай нагоды ў Нацыянальнай бібліятэцы прайшоў святочнны круглы стол  
 
🔻 Павіншаваць і ўганараваць юбіляра завітаў намеснік міністра адукацыі Сяргей Руды. Сяргей Валянцінавіч зачытаў віншавальны адрас ад міністра адукацыі Андрэя Іванца, дзе адзначаўся высокі аўтарытэт найстарэйшага навукова-педагагічнага часопіса ў педагагічнай супольнасці краіны.

У віншавальным адрасе ад міністра інфармацыі Марата Маркава адзначаны дасягненні творчага калектыву часопіса, прадстаўнікі якога на працягу многіх гадоў дэманструюць самаадданасць і прафесіяналізм.

— У кожны нумар часопіса ўкладзена шмат сіл і павагі да сваіх чытачоў, таму мы імкнёмся трымаць з імі сувязь, — адзначыла ў працяг дырэктар Выдавецкага дома “Педагагічная прэса” Кацярына Дубінская.  

✅ З самага пачатку свайго існавання і да цяперашняга часу “Народная асвета” з’яўляецца адкрытай пляцоўкай для абмену ідэямі паміж вучонымі і практыкамі, для абагульнення і распаўсюджвання эфектыўнага педагагічнага вопыту, павышэння прафесійнай кампетэнтнасці педагагічных кадраў.

Гэта неаднаразова падкрэслівалі госці святочнага круглага стала. Алена Клачкова, начальнік аддзела адукацыі Рагачоўскага райвыканкама, адзначыла, што дзякуючы “Народнай асвеце” расце метадычная дасведчанасць педагогаў.

Падтрымалі калегу начальнікі аддзелаў па адукацыі Слуцкага райвыканкама Іна Серадзінская і Бярозаўскага райвыканкама Алена Саковіч, якія падзякавалі калектыву “Народнай асветы” за прапаганду перадавога педагагічнага вопыту.