Кўчмас мулк ёки омонат: қайси бири даромадли?

Ўзбекистонда кўчмас мулк бозори ўзининг жозибадорлигини йўқотмоқда.

Таҳлилларга кўра, сўнгги пайтларда Тошкентда “дом”ларнинг даромадлилик кўрсаткичи тушиб кетди.

Бу кўрсаткич 2024 йилнинг февралида 32,4 фоиз эди. 2025 йилнинг февралида эса 7,6 фоиз. Бир йилда 🔽24,8 фоизлик пасайиш.

Уйлар нархи ўзгаришидан олинадиган даромад Шайхонтоҳур ва Юнусобод туманларида сезиларли камайиб, зарарга ўтган — мос равишда -0,8 фоиз ва -3,4 фоиз.

Ижара бозорида ҳам вазият ўхшаш. Шу пайтга қадар ижарачилар учун жозибадор саналган 1 ва 2 хонали хонадонлардан даромад олиш имкониятлари ҳам тушиб бормоқда.

Нима учун? Бу саволга қисқа қилиб бозор ўз ўрнига қайтмоқда дейиш мумкин.

2022–2023 йилларда бир нечта сабаблар билан Тошкентда уйлар нархи кескин ошиб кетганди. Бу ҳақида мутахассислар билан кўрсатув ҳам тайёрлаган эдик.

Ўшанда ҳаттоки уй-жой пуфаги хавфи ҳам юзага келган. Энди эса пуфак секинлик билан кичраймоқда.

Омонатга пул қўйиш фойдалироқ

Уй-жойга инвестиция қилиш даромадлилиги 2024 йилнинг ярмидан бошлаб омонатлардан ортда қолмоқда.

Сўмдаги омонатлар бўйича ўртача фоиз ставкаси 21-22 фоизни ташкил қилади. Биз сизга “Сандиқ” омонатини таклиф қиламиз (бу ҳақида бир неча марта ёзгандик, “1,2,3” ўқиб чиқишни тавсия қиламиз).

Агарда 500 млн сўмга Тошкентдан бир хонали уй олмасдан, пулингизни ушбу 23 фоизлик омонатга қўйсангиз ҳар ой 8,8 млн сўм даромад оласиз.

Бу маблағ тўғридан-тўғри пластик картангизга ҳар ойда кечикишларсиз ташлаб берилади.

Тошкентда ҳеч қайси бир хонали уй ижараси билан бундай катта миқдорда ойлик даромад олиш имкони йўқ.

Бу омонатга қўйилган маблағнинг ликвидлиги ҳам юқори. Омонатда 100 000 сўм қолдириб, қолганини исталган пайт ечиб олиш мумкин.

Шундай қилиб айни пайтда Тошкентда уй сотиб олишдан кўра, омонатга пул қўйган анча фойдалироқ.

@bankir