Сурхондарёда шифокорни дўппослаган шахсларга нисбатан жиноят иши қўзғатилди.

Telegram I Twitter

Фарғонада 14 ёшли вояга етмаган шахс жорий йил 17 октябрь куни Фарғона вилояти ИИБ муассасасида вафот этганлиги ҳақидаги хабарлар кенг муҳокамаларга сабаб бўлмоқда.

Эслатиб ўтамиз, ҳозирги кунда ушбу ҳолат бўйича Жиноят кодексининг 104-моддаси 3-қисми “д” банди билан жиноят иши қўзғатилиб, тергов ҳаракатлари олиб борилмоқда.

Тергов мобайнида 2 нафар вояга етмаган тарбияланувчи марҳум Р.Абдусатторовни уриб, унинг ўлимига сабаб бўлган тан жароҳатлари етказишгани маълум бўлди.

Мазкур ҳолат гувоҳларнинг кўрсатувлари ва бошқа далиллар билан ўз исботини топди.

Шу сабабли, жиноят иши доирасида ушбу 2 нафар вояга етмаган тарбияланувчи қамоққа олинди.

Бундан ташқари, ички ишлар ходимларига нисбатан хизмат текшируви тайинланган.

Бош прокуратура томонидан мазкур жиноят иши тергови ва текширув устидан назорат ўрнатилган.

Telegram I Twitter

Андижонда Умра сафарига бориш истагини билдирган бир гуруҳ шахсларнинг 1,4 млрд. сўм пулини ўзлаштирган шахсга нисбатан жиноят иши қўзғатилди.

Хоразмда масжидни янгидан қурилиши ҳақида берилган эълонлар орқали келиб тушган 40 млн сўм. пулни ўзлаштирган имом-хатибга нисбатан жиноят иши қўзғатилди.

Telegram I Twitter

Бухоро-Самарқанд йўналишидаги Афросиёб поездининг 11 ноябрдаги аҳволи юзасидан расмий баёнот

Telegram I Twitter

18 ноябрь – Ўзбекистон Республикасининг “Давлат байроғи тўғрисида”ги Қонуни қабул қилинган кун.

Байроғимиз давлатимиз суверенитетининг рамзидир. У халқимизнинг шонли тарихи ва эзгу интилишларини ўзида мужассам этиб, тинч ва осойишта, эркин ҳаётимиз, ёруғ келажагимизга бўлган ишончимизнинг тимсоли саналади.

Бугун 31 ёшини нишонлаётган байроғимиз мустақиллигимиз ифодаси сифатида жаҳоннинг юксак минбарларида ҳилпираб тураверсин!

🇺🇿🇺🇿🇺🇿

18 ноября - день принятия Закона Республики Узбекистан "О Государственном флаге".

Флаг Узбекистана — символ суверенитета нашего государства. Он олицетворяет славную историю узбекского народа и является знаком мира и спокойствия, нашей свободной жизни, уверенности в нашем ярком будущем.

Пусть наш флаг, который отмечает сегодня свое 31-летие, развевается на самых высоких трибунах мира в знак нашей независимости!

Telegram I Twitter

Жорий йилнинг 17 ноябрь куни соат 18:40 ларда, Қашқадарё вилояти, Яккабоғ тумани, Айғиркул маҳалласи ҳудудидан ўтувчи 4К-347а автомобиль йўлида содир бўлган йўл транспорт ҳодисаси бўйича терговга қадар текширув ҳаракатлари олиб борилмоқда.

Жараён прокуратура томонидан назоратга олинган бўлиб, барча ҳолатлар бўйича қонунийлик таъминланади.

Telegram I Twitter

Тошкент шаҳрининг Яшнобод тумани Илтифот кўчасидаги ҳудудда қурувчи ташкилот томонидан дарахтлар қонунга хилоф равишда кесиб юборилганлиги ҳолати юзасидан Яшнобод тумани прокуратураси томонидан Жиноят кодексининг 198-моддаси 3-қисми (Экинзорларни, ўрмонларни, дарахтларни ёки бошқа ўсимликларни шикастлантириш ёхуд нобуд қилиш) ва бошқа моддалар билан жиноят иши қўзғатилди.

Telegram I Twitter

Ижтимоий тармоқларда Қўрғонтепа тумани тиббиёт бирлашмасининг жонлантириш бўлимида ётган Шуҳратбек Абдуқаҳҳоров вафот этганлиги ҳақида хабарлар тарқалган.

Аниқланишича, 9 ноябрь куни Ш.Абдуқаҳҳоров Жалақудуқ туманида комбайнга оёқлари кириб кетиши оқибатида олган жароҳати туфайли жонлантириш бўлимига олиб келинган.

Бироқ, кўрсатилган тиббий муолажаларга қарамасдан бемор 10 ноябрь куни вафот этган.

Ҳозирда ҳолат юзасидан Жалақудуқ тумани ИИБ Тергов гуруҳи томонидан терговга қадар текширув ҳаракатлари олиб борилмоқда.

Марҳумнинг ўлими келиб чиқиш сабабини тўлиқ ҳажмда ўрганиб чиқишлик учун судга оид комиссиявий экспертизаси тайинланган.

Бундан ташқари, меҳнат ва техника хавфсизлиги қоидаларига риоя этилган ёки этилмаганлиги ҳолати юзасидан Меҳнат хавфсизлиги экспертизаси тайинланган.

Текшириш жараёни Андижон вилояти прокуратураси томонидан назоратга олинган.

Бош прокуратура жамоаси оғир жудоликка учраган марҳумнинг яқинларига чуқур таъзия изҳор этиб, ҳамдардлик билдиради.

Telegram I Twitter

Фарғонанинг Бувайда туманида ёш келин-куёв ис газидан заҳарланиб вафот этганлиги ҳолати юзасидан туман прокуратураси томонидан терговга қадар текшириш ҳаракатлари олиб борилмоқда.

Мутахассис томонидан хонадонда мавжуд бўлган иситиш мосламаси ностандарт ҳолатда ўрнатилганлиги ҳақида хулоса берилган.

Ҳурматли фуқаролар!!!

Бундай кўнгилсиз ҳодисаларни олдини олиш мақсадида газ ускуналаридан ва иситиш мосламаларидан фойдаланишда ёнғин ва хавфсизлик талабларига қатъий риоя қилишингизни сўраймиз.

Telegram I Twitter

Тошкент шаҳар прокуратураси томонидан Олмазор туманида ИИО ФМБ профилактика инспектори қасддан ўлдирилганлиги ҳолати юзасидан тергов ҳаракатлари олиб борилмоқда.

Ҳозирда прокуратура ҳамда ички ишлар органларининг малакали ва тажрибали ходимларидан иборат тезкор-тергов гуруҳи ташкил қилинган бўлиб, ходимнинг ҳаётига тажовуз қилишда гумонланаётган шахсни қўлга олиш барча зарур чоралари кўрилмоқда.

Бош прокуратура жамоаси оғир жудоликка учраган марҳум ходимнинг яқинларига чуқур таъзия изҳор этиб, ҳамдардлик билдиради.

Telegram I Twitter