«Заң мен Тәртіп» апталығы аясында салауатты өмір салтын насихаттау
 
Мемлекет басшысының бастамасымен «Заң мен Тәртіп» апталығы басталды.

Аталған акция аясында Ақтөбе облысы мен қаласының прокуратурасы «Жекпе-жек» спорт кешенінде екі күнге созылған дзюдодан турнир ұйымдастырды.

Жарысқа Ақтөбе облысы мен республиканың бірқатар өңірлерінен 12 мен 14 жас аралығындағы 120 жасөспірім 9 салмақ дәрежесінде қатысты.

Жарыстың ашылуында Ақтөбе облысы прокуратурасы аппаратының басшысы Асхат Бекмуканов пен Ақтөбе қаласының әкімі Азамат Бекет құттықтау сөз сөйледі.

Жарыстың басты мақсаты жастарды салауатты өмір салтына баулу, оларды спортқа тарту, сондай-ақ кәмелетке толмағандар арасындағы құқық бұзушылықтардың алдын алу және есірткі қылмыстарымен күресу.

Жарыс жеңімпаздарына Ақтөбе облысының прокурорының атынан грамоталар, сертификаттар және естелік сыйлықтар табыс етілді.

#Заң_мен_Тәртіп
 
Ақтөбе облысы прокуратурасының сайтына сілтеме:

https://www.gov.kz/memleket/entities/prokuratura-aktobe/press/news/details/1026203?lang=kk

🌐 https://yangx.top/GenPr

Facebook | Instagram | YouTube | Сайт ГП

«Заң мен Тәртіп» идеологиясы аясында облыс прокуратурасы дзюдодан турнир өткізді
 
Облыс прокуратурасы «Заң мен Тәртіп» тұжырымдамасы аясында жастар арасында құқықтық сананы қалыптастыру мақсатында ұлдар мен қыздар арасында дзюдодан чемпионат ұйымдастырды.
     
300-ден астам жас спортшылардың қатысуымен өткен іс-шараны облыс прокуроры Берік Жүйріктаев ашты.

Спорт жарыстарын өткізу салауатты өмір салтын насихаттауға, дене шынықтыруды дамытуға, сондай-ақ жас ұрпақтың бойында заңдылық пен әділдік қағидаттарын нығайтуға бағытталған.
   
Екі жарыс күнінің қорытындысы бойынша жеңімпаздар анықталды, олар бағалы сыйлықтармен, медальдармен және республикалық турнирге қатысуға жолдамалармен марапатталды.

#Заң_мен_Тәртіп

Павлодар облысы прокуратурасының сайтына сілтеме:

https://www.gov.kz/memleket/entities/prokuratura-pavlodar/press/news/details/1026295?lang=kk

🌐 https://yangx.top/GenPr

Facebook | Instagram | YouTube | Сайт ГП

Прокуратура түсіндіреді:
жолаушылар мен балалардың құқықтары бұзылған жағдайда не істеу керек
 
Құрметті азаматтар!
Авиациялық көлік прокуратурасы азаматтардың, жолаушылардың және кәмелетке толмаған балалардың құқықтарын қорғау бойынша тұрақты түрде шаралар қабылдап келеді.

Мысал ретінде, кәмелетке толмаған қыз баланың қазақстандық әуе компанияларының бірінің рейсіне негізсіз жіберілмей, қонақ үймен қамтамасыз етілмеген жағдайын келтіруге болады.

Бұл әрекеттер «Қазақстан Республикасының әуе кеңістігін пайдалану және авиация қызметі туралы» Заңын, әуе көлігімен жолаушыларды тасымалдау қағидаларын, сондай-ақ «Баланың құқықтары туралы» Заңды өрескел бұзу болып табылады.

Прокуратура сондай-ақ, мүмкіндігі шектеулі азаматтардың, барлық жолаушылардың құқықтарын қорғау бағытында да жұмыстар жүргізуде.

Өткен жылы орын саны шектелген рейстерге билеттерді артық сату (овербукинг) фактісі анықталды. Бұл Қазақстан Республикасының заңнамасына қайшы келетін әрекет болып табылады.

Аталған барлық заңбұзушылықтар бойынша прокурорлық қадағалау актілері енгізілді.
 
Құрметті ата-аналар!
Егер сіздің балаңыз овербукинг немесе басқа да заңсыз себептермен рейске жіберілмей қалса, әуежай орналасқан өңірдің авиациялық көлік прокуратурасына жүгінуге құқылысыздар. Біз баланың құқықтарын қорғау және әуе компанияларын жауапкершілікке тарту бойынша шаралар қабылдаймыз.

Құқықтарыңызды қорғаудан қорықпаңыздар — заң сіздің жағыңызда!

#Заң_мен_Тәртіп
#ЗАҢменТӘРТІП
#Заңбәрінеортақ
 
Бас көлік прокуратурасының сайтына сілтеме:

🌐 https://yangx.top/GenPr

Facebook | Instagram | YouTube | Сайт ГП

Абай облысында «Заң мен Тәртіп» апталығы аясында «XXI ғасырдың цифрлық триггерлері» форумы өтті
 
Абай облысында «Заң мен Тәртіп»апталығы жалғасуда. Осы апталық аясында «XXI ғасырдың цифрлық триггерлері» атты ақпараттық форум ұйымдастырылды.
 
Форумның мақсаты – азаматтардың цифрлық және қаржылық сауаттылығын арттыру, заманауи алаяқтық түрлерінен қорғау, сондай-ақ құқықтық мәдениетті қалыптастыру.
 
Форум барысында қатысушылар телефон және интернет алаяқтығы, қаржы пирамидалары, «дропперлер» әрекеті, сондай-ақ цифрлық гигиена мен жеке деректердің қауіпсіздігі тақырыптарын талқылады.
 
Форумға Абай облысы прокуратурасының, Экономикалық тергеу департаментінің, полицияның, Қаржы нарығын реттеу агенттігінің және басқа да уәкілетті органдардың өкілдері қатысты.
 
Іс-шара нақты оқиғалар мен қылмыстық істер мысалға алынып, интерактивті форматта өтті. Қатысушылар белсенді түрде сұрақтар қойып, заңгерлік кеңестер алды. Сонымен қатар, форум аясында жастар аудиториясына бағытталған әзіл көріністер мен бейнероликтер ұсынылды, бұл өзекті тақырыптарды шығармашылық тұрғыда жеткізуге мүмкіндік берді.
 
Қорытынды сессияларда цифрлық мәдениет пен онлайн қауіпсіздік мәселелері кеңінен талқыланды. Интернет кеңістігінде құқықтық сауаттылықтың маңыздылығы ерекше атап өтілді.
 
«Заң мен Тәртіп» бастамасы аясында өткен бұл форум – қоғам мен құқық қорғау органдары арасындағы сенімді қарым-қатынасты нығайтудың жарқын үлгісі болды.
 
#Заң_мен_Тәртіп
#Әділдік
#Заңүстемдігі

Абай облысы прокуратурасының сайтына сілтеме:
 
https://www.gov.kz/memleket/entities/prokuratura-abay/press/news/details/1026343?lang=kk

🌐 https://yangx.top/GenPr

Facebook | Instagram | YouTube | Сайт ГП

«Қолға салынған қабылдау» форматында Павлодар облысында азаматтарды қабылдау ұйымдастырылды

«Заң мен Тәртіп» идеологиясын іске асыру аясында Павлодар облысында құқықтық көмектің қолжетімділігін қамтамасыз ету және халықтың құқық қорғау органдарына деген сенім деңгейін арттыру жұмыстары жүргізілуде.

Павлодар облысының прокуратурасы полиция департаменті, экономикалық тергеу департаменті және жергілікті атқарушы органдармен бірлесіп, «Қолға салынған қабылдау» форматында азаматтарды қабылдауды ұйымдастырды. Іс-шаралар облыс және аудан орталықтарында өткізілді.

Қабылдау кезінде азаматтар тікелей мемлекеттік мекемелер өкілдеріне еңбек, әлеуметтік және тұрғын үй құқықтарын қорғау, сыбайлас жемқорлыққа қарсы іс-қимыл, кәсіпкерлік қызметтің заңдылығы және басқа да өзекті мәселелер бойынша жүгінуге мүмкіндік алды.

Іс-шара барысында 190-дан астам өтініш қабылданды. Әрбіріне құқықтық түсіндірмелер беріліп, қосымша қарастыруды қажет ететін өтініштер бақылауға алынды.

#Заң_мен_Тәртіп

Павлодар облысы прокуратурасының сайтына сілтеме:

https://www.gov.kz/memleket/entities/prokuratura-pavlodar/press/news/details/1026497?lang=kk

🌐 https://yangx.top/GenPr

Facebook | Instagram | YouTube | Сайт ГП

Атбасар аудан прокуратурасы «Заң мен Тәртіп» профилактикалық акциясы аясында бұрынғы есірткі тасымалдаушының қатысуымен бейнеролик түсірді. Видеода ол қылмыстық жолға қалай түскені, қандай қателік жібергені және оның салдары туралы ашық баяндайды.
 
Бейнежазбаның мақсаты — жастарға есірткі айналымына тартылудың нақты қауіп-қатерлерін көрсету және оларды мұндай қадамнан сақтандыру.

#Заң_мен_Тәртіп

Ақмола облысы прокуратурасының сайтына сілтеме:

https://www.gov.kz/memleket/entities/prokuratura-akm-obl/press/news/details/1026576?lang=kk

🌐 https://yangx.top/GenPr

Facebook | Instagram | YouTube | Сайт ГП

Қызылордада ашық есік күні өтті
 
Қызылорда облысының прокурорлары «Заң мен Тәртіп», «Тәртіп батырлары» акциясы аясында, қоғамда құқықтық тәртіп идеяларын және халықтың құқықтық сауаттылығын арттыру мақсатында ашық есік күнін өткізді.
 
Қабылдау барысында тұрғындар әлеуметтік мәселелер, тұрғын үй, жер қатынастары, кәсіпкерлікті қолдау және басқа да мәселелер бойынша сауалдарын қойып, заң аясында нақты түсіндірулер берілді.
Облыс бойынша жеке қабылдауда барлығы 430 азамат болды, олар түрлі мәселелер бойынша көмек алды.
 
Азаматтардың құқықтары мен заңды мүдделерін қорғау бағытында аталған жұмыстар өз жалғасын табатын болады.

#Заң_мен_Тәртіп

Қызылорда облысы прокуратурасының сайтына сілтеме:

https://www.gov.kz/memleket/entities/prokuratura-kyzylorda/press/news/details/1027363?lang=kk

🌐 https://yangx.top/GenPr

Facebook | Instagram | YouTube | Сайт ГП

«Заң мен Тәртіп» апталығы аясында салауатты өмір салтын насихаттау
 
Мемлекет басшысының бастамасымен «Заң мен Тәртіп» апталығы басталды.

Аталған акция аясында Ақтөбе облысы мен қаласының прокуратурасы «Жекпе-жек» спорт кешенінде екі күнге созылған дзюдодан турнир ұйымдастырды.

Жарысқа Ақтөбе облысы мен республиканың бірқатар өңірлерінен 12 мен 14 жас аралығындағы 120 жасөспірім 9 салмақ дәрежесінде қатысты.

Жарыстың ашылуында Ақтөбе облысы прокуратурасы аппаратының басшысы Асхат Бекмуканов пен Ақтөбе қаласының әкімі Азамат Бекет құттықтау сөз сөйледі.

Жарыстың басты мақсаты – жастарды салауатты өмір салтына баулу, оларды спортқа тарту, сондай-ақ кәмелетке толмағандар арасындағы құқық бұзушылықтардың алдын алу және есірткі қылмыстарымен күресу.

Жарыс жеңімпаздарына Ақтөбе облысының прокурорының атынан грамоталар, сертификаттар және естелік сыйлықтар табыс етілді.
 
#Заң_мен_Тәртіп
 
Ақтөбе облысы прокуратурасының сайтына сілтеме:

https://www.gov.kz/memleket/entities/prokuratura-aktobe/press/news/details/1027608?lang=kk

🌐 https://yangx.top/GenPr

Facebook | Instagram | YouTube | Сайт ГП

«Заң мен Тәртіп» апталығы аясында Маңғыстау облысының прокуратурасы халықаралық нашақорлыққа қарсы күрес күніне орай «Есірткісіз қала» ұранымен жүгіру марафоның ұйымдастырды.

Іс-шараның мақсаты – жастарды есірткі мәселесіне назарын аудару, олардың бойында берік өмірлік құндылықтарды қалыптастыру, сондай-ақ салауатты әрі белсенді өмір салтын насихаттау.

10 шақырымдық қашықтықтағы жүгіру жарысына 15 пен 30 жас аралығындағы 200 адам қатысты.

Жарыс қорытындысы бойынша жеңімпаздар ерлер және әйелдер санатында анықталды. Барлық қатысушыларға естелік медальдар табысталды, ал жеңімпаздар облыс прокурорының атынан грамоталармен марапатталды.

#Заң_мен_Тәртіп

Маңғыстау облысы прокуратурасының сайтына сілтеме:

https://www.gov.kz/memleket/entities/prokuratura-mangistau/press/news/details/1027446?lang=kk

🌐 https://yangx.top/GenPr

Facebook | Instagram | YouTube | Сайт ГП

Маңғыстау облысы прокуратурасының бастамасымен “Заң мен Тәртіп” қағидаты аясында Қазақстан Республикасы Конституциясының нормаларын насихаттау мақсатында әр сала қызметкерлерінің қатысуымен “Мен заңды білемін” атты челленджі ұйымдастырылды.

#Заң_мен_Тәртіп

По инициативе прокуратуры Мангистауской области в рамках принципа «Закона и Порядка» был организован челлендж «Я знаю закон» с участием работников различных сфер в целях популяризации норм Конституции Республики Казахстан.

#Закон_и_Порядок

🌐 https://yangx.top/GenPr

Facebook | Instagram | YouTube | Сайт ГП

Қаруды тапсыр- қауіпсіздікті таңда
 
Соңғы кездері жолаушылар арасында кастет, пышақ, таяқша және тағы басқа суық қаруды анықтау деректері жиіленуде.

Мұндай заттарды алып жүруі қайтымсыз салдарға әкелуі мүмкін.

Соңғы 5 жылда осындай деректермен 92 адам сотталған.

«Заң мен Тәртіп» қағидаты аясында Астана қаласының Авиациялық көлік прокуратурасы мен Астана қаласының әуежайындағы желілік полиция бөлімі қылмыстардың алдын алуға бағытталған профилактикалық іс-шараларды жүргізуде.

Осыған орай, біз елорда әуежайының аумағында суық қаруды өз еркімен тапсыру үшін арнайы жәшік орнаттық.

Қылмыстық кодекстің 287-бабының ескертпесіне сәйкес, суық қаруды өз еркімен тапсырған адам, егер әрекетінде өзге қылмыс белгілері болмаса, қылмыстық жауаптылықтан босатылады.

Бүгінгі күнде жолаушылар суық қаруды өз еркімен тапсыруда.

Осылайша, қылмыстық жазадан құтылу үшін суық қаруды тапсыруды ұсынамыз.

#Заң_мен_Тәртіп
#ЗАҢменТӘРТІП
#ЗаңБәрінеОртақ
 
Бас көлік прокуратурасының сайтына сілтеме:

https://www.gov.kz/memleket/entities/gtp/press/news/details/1029070?lang=kk

🌐 https://yangx.top/GenPr

Facebook | Instagram | YouTube | Сайт ГП

«Таза өмір – сенің таңдауың»: ерекше балаларға арналған турнир өткізілді 
 
Шымкентте салауатты өмір салтын насихаттауға арналған республикалық турнир өтті. Бұл жарыс жарқын әрі мағыналы іс-шараға айналды.

Іс-шараға 100-ден астам ерекше балаларқатысып, өз күштері мен мүмкіндіктерін сынап көрді.

Жеңімпаздар марапатталып, барлық қатысушыларға қолдау мен шабыт сыйлады.

Бұл тек спорттық жарыс қана емес, қоғам бірлігін, мейірімділік пен қайырымдылыққа бағытталған қадамды білдіретін маңызды іс-шара болды.

«Заң мен Тәртіп» апталығы аясында «Таза өмір – сенің таңдауың» тақырыбында қоғамға қауіпті құбылыстар – нашақорлық, лудомания және буллингтің зияны мен салдары туралы кеңінен насихаттау жүргізілді.

Бұл зұлымдықпен күресу – барша азаматтардың ортақ борышы екені ерекше атап өтілді.

Прокуратура органдарының басты міндеттерінің бірі – ерекше балалардың құқықтарын қорғау екендігі және тек биылдың өзінде осындай санаттағы 4 мыңға жуық азаматтың құқығы қорғалғаны айтылды.

Бұл іс-шара – тек спорттық жарыс емес, қоғамның бірлігі мен игі істерге жұмылуын білдіретін маңызды қадам болды.

Еліміздің болашағы – балалардың қолында. Ал біз – балалардың қамқорлық, теңдік пен қолдау көрсетілетін әділетті қоғамда өсіп-жетілуіне үлес қосуға міндеттіміз.

#Заң_мен_Тәртіп

Шымкент қаласы прокуратурасының сайтына сілтеме:

https://www.gov.kz/memleket/entities/prokuratura-shymkent/press/news/details/1031654?lang=kk

🌐 https://yangx.top/GenPr

Facebook | Instagram | YouTube | Сайт ГП

Түркістан облысында «ХХІ ғасырдың қаржылық триггерлері» форумы өтті
 
Түркістан облысында құқық қорғау және мемлекеттік органдардың, сондай-ақ кәсіпкерлердің қатысуымен «ХХІ ғасырдың қаржылық триггерлері» атты форум өтті.
 
Форум жұмысына Түркістан облысының әкімі, құқық қорғау және мемлекеттік мекемелердің басшылары, іскерлік қауымдастық өкілдері қатысты.
 
Іс-шара Мемлекет басшысы Қасым-Жомарт Тоқаевтың «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына Жолдауында айтылған қоғамда заң мен тәртіп идеологиясын терең орнықтыру жөніндегі тапсырмасына сәйкес ұйымдастырылды.
 
Форум аясында цифрлық технологиялардың қарқынды дамуына байланысты қоғамның барлық саласында заманауи технологияларды тиімді пайдалану қажеттілігі айтылды.
 
Шарада «Қазіргі заманғы қаржылық триггерлер және азаматтарды қорғауға бағытталған шаралар», «Қаржылық сауаттылық», «Цифрлық гигиена», «Дипфейк технологиялары және қаражатты қорғаудың қарапайым тәсілдері» тақырыптарында өзекті мәселелер талқыланды.
 
Киберқылмыстардың алдын алу бағытында нақты ұсыныстар мен тәжірибелік қадамдар ұсынылды.
 
Сонымен қатар, Бас Прокурордың тапсырмасына сәйкес, кәсіпкерлерге қатысты қылмыстық істерді тіркеуге бірқатар шектеулер енгізілгені айтылып, инвесторларға қатысты шешімдер мен әрекеттердің қатаң бақылауға алынғаны атап өтілді.
 
Форум қорытындысында заңдылық пен тәртіп қағидаттарын берік орнықтыру үшін бірлескен іс-қимылды жүйелі түрде жүргізу туралы ортақ шешім қабылданды.

#Заң_мен_Тәртіп

Түркістан облысы прокуратурасының сайтына сілтеме: 

https://www.gov.kz/memleket/entities/prokuratura-turkestan/press/news/details/1031905?lang=kk

🌐 https://yangx.top/GenPr

Facebook | Instagram | YouTube | Сайт ГП

«Заң мен Тәртіп» апталығының қорытындысы
 
2025 жылғы 23-28 маусым аралығында Мемлекет Басшысының тапсырмасына сәйкес Ақтөбе облысында азаматтардың құқықтық сауаттылығын арттыру және өзекті мәселелерін шешу мақсатында «Заң мен Тәртіп» атты апталық акция өткізілді.

Апталық аясында облыстың шалғай ауылдарына мобильді топтар шығып, құқық қорғау, атқарушы және медициналық қызмет өкілдері тұрғындарға құқықтық және медициналық көмек көрсетті. Ақтөбе қаласында азаматтарды қабылдаулар «Керуен Сити», «Анаға тағзым» және «Халықтық кеңсе» секілді халық көп шоғырланатын орындарда ұйымдастырылды.

Сондай-ақ Дон тау-байыту комбинаты қызметкерлерімен еңбек құқықтары бойынша түсіндіру жұмыстары жүргізіліп, балалар лагерлерінде қауіпсіздік шаралары бойынша профилактикалық іс-шаралар өткізілді.

Акция барысында мүмкіндігі шектеулі азаматтардың өтініштері де назардан тыс қалмай, оларға қажетті көмек көрсетілді.

Мәселен, Хромтау ауданында екі мүгедек азаматқа жедел түрде дәрі-дәрмекпен қамту мәселесі шешілді.

Апталық аясында бірнеше тақырыптық күндер де өтті. «Қаржы қауіпсіздігі күні» банк бөлімшелерінде алаяқтықтың алдын алу шараларымен өтті. «Ақ жол» жол қауіпсіздігі акциясы аясында автожолдарда жүргізушілермен көшпелі қабылдаулар ұйымдастырылып, түсіндіру жұмыстары жүргізілді.

Ал «Таза өнер – сенің таңдауың» күніне орай «Жекпе-жек» спорт кешенінде 120 жасөспірімнің қатысуымен дзюдодан турнир ұйымдастырылды. Іс-шараның мақсаты – жастарды спортқа баулу, құқықбұзушылықтың алдын алу және салауатты өмір салтын насихаттау болды.

Барлық іс-шаралар қоғамда кеңінен қолдау тауып, республикалық және жергілікті БАҚ-та жарияланды.

#Заң_мен_Тәртіп

Ақтөбе облысы прокуратурасының сайтына сілтеме:

https://www.gov.kz/memleket/entities/prokuratura-aktobe/press/news/details/1032642?lang=kk

🌐 https://yangx.top/GenPr

Facebook | Instagram | YouTube | Сайт ГП

Атырау облысында Парламент Мәжілісі депутаттарының қатысуымен «Заң мен Тәртіп»қағидатын қамтамасыз ету бойынша кеңейтілген кеңес өтті

2025 жылғы 9 шілдеде Атырау облысының прокуроры Бауыржан Жұмақановтың төрағалығымен Қазақстан Республикасы Парламенті Мәжілісінің депутаттары Абзал Құспан және Ерболат Саурықовтың қатысуымен «Заң мен Тәртіп» қағидатын қамтамасыз ету жөніндегі кеңейтілген кеңес өткізілді.

Кеңеске облыстық прокуратураның алқа мүшелері, қала және аудан прокурорлары, құқық қорғау және жергілікті атқарушы органдар, Әділет департаменті, «Теңізшевройл» ЖШС, құқықбұзушылықтың профилактикасы жауапты уәкілетті мемлекеттік органдардың басшылары қатысты.

23 шілде 2025 жылы өткен кеңейтілген алқа отырысында Мемлекет басшысы Қасым-Жомарт Кемелұлы Тоқаевтың құқық қорғау органдарына берген «Заң мен Тәртіп» қағидатын қамтамасыз ету тапсырмасын орындау мақсатында атқарылған кешенді шаралар туралы облыс прокуратурасы басқармаларының бастықтары баяндама жасады.

Қоғамға қауіпті құқық бұзушылықтардың алдын алу үшін прокуратура үйлестіруімен Ведомствоаралық жоспар қабылданып, қылмыстың алдын алу бойынша пилоттық жоба іске асырылды. Нәтижесінде өңірде қылмыс деңгейі 22%-ға (2 494-тен 1 939-ға дейін) төмендеді. Бұл көрсеткіш бойынша Атырау облысы республикада алдыңғы қатарда.

Мемлекет басшысы қол қойған «Қазақстан Республикасы Конституциясының 30 жылдығына байланысты рақымшылық жасау туралы» заңдыөңірде 800-ден астам жазасын өтеушіге қолдану жоспарланған. Қазіргі уақытта бұл заң 25 жазасын өтеушіге және 16 сотталушыға қолданылды.

Парламент Мәжілісінің депутаты Абзал Құспан Қылмыстық кодекске енгізілетін сталкинг, дериваттарды заңсыз қолдану, некеге тұруды мәжбүрлеу және дропперлердің әрекеттері үшін жауапкершілігі жайында жаңа нормалар туралы ақпаратпен бөлісті.

Мәжіліс депутаты Ерболат Саурықов мал ұрлығы үшін жазаны күшейту және кибер қылмыс мәселелерінің өзектілігін атап өтті.

Президентіміздің: «Бәріміз бір ел, бір халық болып Қазақстанымыз үшін қызмет етіп, табанды жұмыс істеуіміз керек. Бұл – баршамызға ортақ ұлттық парыз, азаматтық борыш» деген ұстанымын басшылыққа ала отырып, кеңеске қатысушылар маңызды ой-пікірлер мен нақты ұсыныстар білдірді.

Облыс прокуратурасы «Заң мен Тәртіп» қағидатын қамтамасыз ету бағытындағы жұмысты қадағалауда ұстап, тиісті мемлекеттік органдармен бірлесіп жалғастыруда.

#Заң_мен_Тәртіп

Атырау облысы прокуратурасының сайтына сілтеме:

https://www.gov.kz/memleket/entities/prokuratura-atyrau/press/news/details/1033500?lang=kk

🌐 https://yangx.top/GenPr

Facebook | Instagram | YouTube | Сайт ГП

Қызылорда облысының прокурорлары әкімшілік құқық бұзушылық туралы істер бойынша көрсетілім процестерін ұйымдастырды
 
«Заң мен Тәртіп» тұжырымдамасын іске асыру шеңберінде жергілікті соттарда әкімшілік бұзушылықтар туралы істер бойынша көрсетілім сот процестері ұйымдастырылды.
 
Іс - шараның мақсаты құқықтық мәдениетті қалыптастыруға, құқық бұзушылықтың алдын алуға бағытталған.
 
Көрсетілім сот процестеріне көлік басқару құқығынан айырылған жүргізушілер, отбасы тұрмыстық зорлық-зомбылық құқық бұзушылықтарын жасаған және қорғау нұсқамасы шығарылған тұлғалар қатысты.
 
Мәселен, көлік басқару құқығынан айырылған жүргізушілерге Қызылорда қаласының әкімшілік құқық бұзушылықтар жөніндегі сотының 18.06.2025ж. қаулысымен көлік басқару құқығынан айырылған тұлға қайта көлік жүргізгені үшін он тәулікке қамаққа алу туралы сот процесі көрсетілді.
 
Мұндай процестер тұрақты, апта сайын жүргізілетін болады.

#Заң_мен_Тәртіп

Қызылорда облысы прокуратурасының сайтына сілтеме:

https://www.gov.kz/memleket/entities/prokuratura-kyzylorda/press/news/details/1033593

🌐 https://yangx.top/GenPr

Facebook | Instagram | YouTube | Сайт ГП

Бас әскери прокурордың Қостанай гарнизонына іссапарының қорытындылары
 
Қостанай гарнизонына іссапары барысында Бас әскери прокурор Дастан Секенов әскери бөлімдердің командалық құрамы мен құқық қорғау органдарының өкілдерінің қатысуымен ведомствоаралық кеңес өткізді.
 
Кеңесті ашқан Бас әскери прокурор гарнизонның ерекшеліктерін ескере отырып, «Заң мен Тәртіп» тұжырымдамасын іске асыру аясында негізгі күш-жігерді жеке құрамның қаза табуы мен жарақаттануын, жол-көлік оқиғаларын және отбасы-тұрмыстық зорлық-зомбылықты болдырмауға, әскери қызметшілерді әлеуметтік қорғау шараларын күшейтуге бағыттау қажет екенін атап өтті.
 
Сондай-ақ кеңес барысында Ұлттық ұлан әскери қызметшілерінің түзеу мекемелерін күзету мәселелері және тыйым салынған заттарды өткізу фактілерінің жолын кесу шаралары талқыланды.

Мемлекеттік шекараны қорғау бойынша Шекара қызметі бөлімшелерінің қызметіне, оның ішінде заңсыз көші-қон мен есірткі трафигіне қарсы іс-қимыл мәселелеріне ерекше назар аударылды.
 
Гарнизонда Бас әскери прокуратура әскери ведомстволармен бірлесе әзірлеген «Әскердегі заң және тәртіп» және «Цифрлық профилактика» бағдарламаларын іске асыруға бағытталған іс-шаралар белгіленді.
 
Кеңес аяқталғаннан кейін Дастан Секенов республикалық «Таза Қазақстан» экологиялық акциясы аясында Қостанай облысы прокуратурасының аумағында ағаш көшеттерін отырғызуға қатысты.
 
Бас әскери прокуратура әскерде заңдылықты қамтамасыз ету, құқықбұзушылықтардың алдын алу және құқықтық мәдениетті нығайту бойынша жүйелі шараларды іске асыруды жалғастырады.
 
#Заң_мен_Тәртіп
 
Бас әскери прокуратураның сайтына сілтеме:

https://www.gov.kz/memleket/entities/gvp/press/news/details/1035913?lang=kk

🌐 https://yangx.top/GenPr

Facebook | Instagram | YouTube | Сайт ГП

Бас әскери прокурордың Петропавл гарнизонына жұмыс сапарының қорытындылары
 
Бас әскери прокурор Дастан Секенов Петропавл гарнизонына жұмыс сапары аясында әскери бөлімдер мен мекемелердің командалық құрамы, сондай-ақ құқық қорғау органдары өкілдерінің қатысуымен ведомствоаралық кеңес өткізді.
 
Гарнизонның өзіндік ерекшелігін ескере отырып, Бас әскери прокурор Дастан Секенов басым бағыттардың қатарында Ұлттық ұлан күштерімен қылмыстық-атқару жүйесі мекемелерін күзету, олардың материалдық-техникалық жабдықталуын жаңғырту, сондай-ақ Мемлекеттік шекараны күзету және шекаралық инфрақұрылымды дамыту бойынша Шекара қызметі бөлімшелерінің қызметіне қатысты мәселелерді атап өтті.
 
Сонымен қатар, ол әскердегі құқықтық тәртіпті қамтамасыз етуге бағытталған ортақ міндеттерді бұлжытпай орындаудың маңыздылығын атап өтті. Осы орайда, әскери қызметшілер арасында қаза болу мен жарақат алу жағдайларын болдырмау, құқық бұзушылықтардың алдын алу шараларын күшейту, әскери қызметке шақыру кезінде заңдылықтың сақталуын қамтамасыз ету, сондай-ақ жеке құрамның әлеуметтік қорғалу деңгейін арттыру міндеттері қойылды. Профилактикалық жұмыс «Заң мен Тәртіп» тұжырымдамасына сай, нөлдік төзімділік қағидаты негізінде жүргізілуі тиіс.
 
Бас әскери прокуратураның әскери ведомстволармен бірлесіп әзірлеген «Әскердегі заң және тәртіп» пен «Цифрлық профилактика» бағдарламаларын іске асыру шаралары қаралды.
 
Кеңестен кейін Дастан Секенов әлеуметтік-құқықтық мәселелер бойынша азаматтар мен әскери қызметшілерді жеке қабылдап, әрқайсысына тиісті түсіндірмелер берді.
 
Сондай-ақ ол гарнизондағы әскери прокуратура қызметкерлерінің қызмет ету жағдайымен танысты. 
 
«Таза Қазақстан» экологиялық акциясы аясында Петропавл қаласындағы Прокурорлар аллеясында Бас әскери прокурор ағаш көшеттерін отырғызу шарасына қатысты.
 
Бас әскери прокуратура әскердегі заңдылықты қамтамасыз ету және құқықбұзушылықтардың алдын алу шараларын жалғастыратын болады.
 
#Заң_мен_Тәртіп
 
Бас әскери прокуратураның сайтына сілтеме:

https://www.gov.kz/memleket/entities/gvp/press/news/details/1040840?lang=kk

🌐 https://yangx.top/GenPr

Facebook | Instagram | YouTube | Сайт ГП