Беларускамоўны дзень, як сродак засваення каштоўнасцей беларускага народа.
Выхаванне падрастаючага пакалення не можа ажыццяўляцца па-за традыцыйнай нацыянальнай культурай. Этнічныя гісторыі, гістарычная спадчына і культура продкаў выступаюць базавымі каштоўнасцямі для развіцця асобы. Кожны народ паважае гісторыю сваёй Бацькаўшчыны, сваю мову, традыцыі. Каб не прыпынілася спрадвечная сувязь паміж пакаленнямі неабходна пераймаць вопыт народа. Гэты працэс асабліва эфіктыўны, калі навучанне і выхаванне адбываецца з самага маленства.
У ДУА “Яслі-сад № 2 г. Ганцавічы” у межах беларускамоўнага дня адбыўся занятак “У гасцях у бабулі Кацярыны”, падрыхтаваны музычным кіраўніком Ясько А.А.
Выхаванцы другой малодшай групы пабывалі ў гасцях ў бабулі Кацярыны. Разам з ею дзеці вучыліся рабіць пірагі, якімі частавалі гасцей, спявалі песні, гулялі ў беларускія народныя гульні, разглядалі рэчы хатняга побыту і адзенне.
Дзеці з задавальненнем акунуліся у свет народнай культуры і побыту.