🖇️ Bugun Zangiota tumanidagi 24-sonli tarbiya koloniyasiga navbatdagi monitoring tashrifimizni amalga oshirdik.

📝 Monitoring davomida bu yerdagi voyaga yetmaganlar saqlanishi sharoitlari, xususan, ta’lim olish, kasbga o‘rgatish va tarbiyaviy jarayon belgilangan standartlar doirasida qay tarzda tashkil etilganini atroflicha o‘rgandik.

📍 Shu bilan birga, monitoringda bolalarga tibbiy xizmat ko‘rsatish, ovqatlanish, yotoq, sanitariya-gigiyena hamda sport mashg‘ulotlari, yaqinlar bilan uchrashuvlar uchun yaratilgan sharoitlar minimal standartlarga rioya etgan holda tashkil etilganligi darajasi o‘rganildi.

📌 Monitoring o‘tkazar ekanmiz, muassasada bugun Yoshlar kuni arafasida tashkil etilgan "Zakovat" intellektual o‘yinining guvohiga aylandik. Bolalar bu musobaqada nihoyatda faollik ko‘rsatib, jamoa bo‘lib fikrlash, hozirjavoblik, eruditsiya kabi muhim ko‘nikmalarni namoyish etdilar.

O‘rganish jarayonida aniqlangan kamchiliklar hamda koloniyadagi shart-sharoitlarni yaxshilash yuzasidan mas’ullarga tegishli tavsiya va ko‘rsatmalar berildi☑️.

📚 Shu bilan birga kutubxona fondini bolalar uchun lotin alifbosidagi zamonaviy kitoblar bilan to‘ldirish, muassasaning kompyuter sinfini yangilash bo‘yicha amaliy ko‘mak ko‘rsatishga kelishildi.

🔎 Eslatib o‘tamiz, o‘tgan yilning dekabr oyida qish mavsumida mavjud sharoitlar bilan tanishish maqsadida mazkur tarbiya koloniyasiga Bolalar ombudsmanining monitoring tashrifi amalga oshirilgan edi.

Telegram|Facebook|Instagram|X

🗣️ Shuningdek, monitoring davomida bolalar bilan o‘tkazilgan jamoaviy va individual suhbatlar orqali ularning ehtiyojlari o‘rganildi.

❕Xoli uchrashuvda bolalar o‘z kelgusi hayoti bilan bog‘liq bir necha masalalar bo‘yicha murojaat qildilar. Jumladan, hozirda koloniyada bo‘la turib, onlayn tarzda universitetning II-kursida ta’lim olayotgan talaba keyingi o‘qish yiliga oid ayrim tashkiliy muammoda, boshqa bola o‘qishga kirish yuzasidan tayyorgarlik ko‘rishda, yana bir voyaga yetmagan esa ota-onasi bilan muloqot bilan bog‘liq masalada ko‘mak so‘radi.

📨 Aytish kerakki, Zangiota tumanidagi 24-sonli tarbiya koloniyasida Bolalar ombudsmani qutisi o‘rnatilgan bo‘lib, bolalar har qanday mazmundagi murojaatlarini to‘g‘ridan-to‘g‘ri Bolalar ombudsmaniga yo‘llashlari mumkin.

Telegram|Facebook|Instagram|X