#rasmiy_munosabat

🛡Ko’zlari ko’kargan bola holati Bolalar ombudsmani tomonidan nazoratga olindi

Ijtimoiy tarmoqda kichik yoshdagi bolaning bog‘chaga yuzi va ko‘zlari jarohatlangan holda kelganligi va uni otasi kaltaklaganligini aytib berishi tasvirlangan video tarqaldi.

Murg‘ak bolaga nisbatan bunday shafqatsiz munosabatda bo‘lish holati Bolalar ombudsmani tomonidan nazoratga olindi.

📍Dastlabki maʼlumotga ko‘ra, mazkur zo‘ravonlik fakti Samarqand viloyati Urgut tumanida yuz bergan bo‘lib, hozirda tuman IIB tomonidan mazkur holat yuzasidan tergov harakatlari olib borilmoqda. 

Bolaga nisbatan bunday harakatga yo‘l qo‘ygan shaxslar kim bo‘lishidan qatʼiy nazar qonunan javob berishi taʼminlanadi.

❗Holat yuzasidan qo‘shimcha maʼlumot beriladi.

Telegram|Facebook|Instagram

⚡️Ijtimoiy tarmoqlarda bolalar bog‘chasida 2 nafar ayol kichik yoshdagi bolalarga pedagogikaga zid, yo‘l qo‘yib bo‘lmaydigan qo‘pol munosabatda bo‘lishi tasvirlangan video tarqaldi.

Mazkur holat Bolalar ombudsmani tomonidan nazoratga olindi❕

⛔️ Aniqlanishicha, mazkur holat Urganch tumani Chondirqiyot qishlog‘i Tadqiqotchilar mahallasida joylashgan 23-sonli MTMda bo‘lib, bunda tarbiyachi R.G. va yordamchi tarbiyachi M.A. tarbiyalanuvchilar R.S., M.S., U.Z., S.T larga nisbatan turtish, tepish, qulog‘idan tortish, boshiga urish kabi nomaqbul xatti-harakatlar sodir qilgan.

Hozirda ushbu fakt bo‘yicha Urganch tumani IIB xodimlari tomonidan tergovga qadar tekshiruv harakatlari olib borilmoqda.

Telegram|Facebook|Instagram

⚡️ QO’SHIMCHA MA’LUMOT

📌 Aniqlanishicha, Urgut tumani “Yuqori Qalangar” MFYdagi 2017-yilda tug‘ilgan A.A. yuz-ko‘zidagi jarohati tufayli 30.10.2023 yil Urgut tuman markaziy shifoxonasiga otasi A.X. tomonidan olib kelingan va ushbu holat yuzasidan Urgut tuman IIB tergovga qadar tekshiruv harakatlarini olib borilgan.

❗️Tekshiruv davomida A.A ning olgan jarohati yuzasidan 03.11.2023 yilda sudga oid tibbiy ekspertizasi tayinlangan bo‘lib, unga ko‘ra bolaga jarohat o‘tmas qattiq jismlar ta’sirida yetkazilganligi xulosa qilingan. Tergovga qadar tekshiruv natijasiga ko‘ra, jinoyat alomatlari aniqlanmaganligi sababli 25.11.2023 yilda JPKning 83-moddasi 2-bandiga asosan jinoyat ishi qo‘zg‘atishdan rad etish to‘g‘risida qaror qabul qilingan.

Mazkur holat Bolalar ombudsmani va Bosh prokuratura nazoratiga olinganidan so‘ng jinoyat ishi qo‘zg‘atishdan rad etish to‘g‘risida qaror tuman prokuraturasi tomonidan nazorat tartibida o‘rganilib, 12.12.2023 yilda bekor qilingan va qo‘shimcha tekshiruv harakatlari olib borish uchun tuman IIB huzuridagi TBga yuborilgan.

Qo‘shimcha tergovga qadar tekshiruv davomida bola psixolog tomonidan pedagog ishtirokida (videoyozuvda qayd qilingan holda) suhbat qilinganda, u 29.10.2023 yilda otasining uyi yaqinidagi savdo do‘koni oldida amakisiga tegishli bo‘lgan qora mollarni orqasidan yugurib, asfalt qoplamasiga yiqilganligi, burni qonab, yuzi shilinganligini bayon qilgan.
Shuningdek, A.A ni yiqilganini guvohi bo‘lgan do‘kon sotuvchisi L.S. o‘z tushuntirishida bolaning haqiqatdan ham chorva mollarni orqasidan yugurishi natijasida yuzi bilan yerga yiqilib tushganligini ko‘rganligini va jarohat yiqilish natijasida bo‘lganini tasdiqlagan.

Bola manfaatlari nuqtai nazaridan Bolalar ombudsmani mazkur holat yuzasidan nazoratni davom ettiradi.

◻️Shu bilan birga, Bolalar ombudsmani nizo jarayonidagi ayrim ota-onalar ularning o‘zaro ziddiyatli munosabatlaridan birinchi navbatda o‘z farzandlari jabr ko‘rayotganiga e’tibor qaratishlari va bunga yo‘l qo‘ymasliklarini so‘raydi.

(Videoyozuv bilan Bolalar ombudsmani tanishgan, lekin bola manfaati yuzasidan u ommaviy e’lon qilinmaydi).

Telegram|Facebook|Instagram

⚡️⚡️Ijtimoiy tarmoqlarda bir nechta o‘smir bolalarni katta yoshli erkak urayotgani aks etgan video tarqaldi.
 
📌 Mazkur voqea zudlik bilan Bolalar ombudsmani tomonidan nazoratga olindi.

Aniqlanishicha, 2023-yil 15-dekabr kuni Chust tumani "Guliston" MFY hududidagi 2-son kasb hunar-maktabi direktor o‘rinbosari A.N. dars vaqtida sababsiz o‘quv mashg‘ulotlariga qatnashmayotganligi vaji bilan maktab o'quvchilari 2007-yilda tug‘ilgan M.S., M.A. va 2006-yilda tug‘ilgan Yu.D., F.A larni kaltaklagan.

📣 Ushbu holat yuzasidan Chust tumani IIB tomonidan tergovga qadar tekshiruv harakatlari olib borilmoqda.

Telegram|Facebook|Instagram

⚡️⚡️ Ijtimoiy tarmoqlarda 2009-yilda tug'ilgan, 7-sinf o'quvchisi D.K. (qiz bola) unashtirilmoqda, degan mazmundagi video tarqaldi.

❕Aniqlanishicha, holat Qashqadaryo viloyatining Ko‘kdala tumanida bo‘lib, mas’ullar tomonidan joyiga borib o‘rganish o‘tkazilganda, qizchaning ota-onasi videodagi holat aslida farzandining tug‘ilgan kuni munosabati bilan o‘tkazilgan marosim ekanligi to‘g‘risida tushuntirish berdilar.

D.K ning ota-onasi ayolni turmushga chiqishiga majburlash uchun jinoiy javobgarlik mavjud ekanligi to‘g‘risida ogohlantirildilar. Shuningdek, D.K. ning ota-onasi o‘z tushuntirishida videodagi holat to‘y yoki unashtiruv marosimi emasligi va qizini erta turmushga berish niyati yo‘qligi, unga ta’lim berish va shifokor bo‘lib yetishishi niyatida ekanliklarini ma’lum qildilar.

Shu bilan birga, respublikamizning bu hududida qizlarni unashtiruv marosimini erta o‘tkazish urf-odatlari qisman bo‘lsada saqlanib kelayotganini inobatga olib, mazkur holat yuzasidan Bolalar ombudsmani o‘z nazoratini davom ettiradi.

Jumladan, bu oilada bolaning jismonan va ma’nan sog‘lom muhitda parvarish qilinishi, uning ta’lim olish huquqi hamda kelgusida o‘z hayoti bilan bog‘liq qarorlarni qabul qilish huquqi ta’minlanishi kuzatib boriladi.

Bolalar ombudsmani qizlarni erta turmushga berish holatlariga mutlaqo murosasiz bo‘lib, shunday fikrda bo‘lgan ota-onalarni nikoh yoshi to‘g‘risidagi qonunchilikni yoki nikoh tuzish tartibini buzish uchun qonunan javobgarlik belgilanganligi haqida ogohlantiradi❗

Telegram|Facebook|Instagram

⚡️⚡️Bolalar ombudsmaniga Toshkent viloyatida yashovchi K.T. tomonidan uning 2019-yilda tug‘ilgan qiz farzandiga nisbatan bolalar bog‘chasida jinsiy tegajog‘liq sodir etilganligi haqida murojaat qilindi.

Bolalar ombudsmani mazkur murojaatni Bosh prokuratura bilan birgalikda o‘rganishi natijasida Toshkent tumanidagi xususiy bog‘chada bo‘lgan vaqtida bolaga nisbatan jinsiy tegajog‘lik qilinganligi yuzasidan 2023-yil 15-dekabrda JKning 129-moddasi (o‘n olti yoshga to‘lmagan shaxsga nisbatan uyatsiz-buzuq harakatlar qilish) bilan jinoyat ishi qo‘zg‘atildi va hozirda Toshkent tumani IIB TB tomonidan dastlabki tergov ishlari olib borilmoqda.

Bundan tashqari, aniqlanishicha, Toshkent tumanida Z.X. o‘zi yashab kelayotgan uyida 2023-yil 1-dekabrdan boshlab, tegishli ravishda ruxsatnoma olmasdan, hech qanday litsenziyasiz bolalar bog‘chasi tashkil etgan❗️

Toshkent tumani sanitariya-epidemiologik osoyishtalik
va jamoat salomatligi bo‘limi tomonidan ushbu xonadon o‘rganilganda, bu yerda sanitariya qoidalari jiddiy ravishda buzilganligi va bog‘chada ishlagan G.Q., Z.X lar tibbiy ko‘rikdan o‘tmaganligi aniqlangan.

Jinoyat ishini tergovi davomida fuqaro Z.X ning litsenziya olmasdan maktabgacha ta’lim muassasasi ochib faoliyat ko‘rsatganligi holatiga ham huquqiy baho berilmoqda.

Mazkur jinoyat ishi tergovi viloyat prokuraturasi, Bosh prokuratura tomonidan nazoratga olingan hamda Bolalar ombudsmanining bola manfaatlari yuzasidan kuzatuvi ostida❕

Telegram|Facebook|Instagram

⚡️⚡️Ijtimoiy tarmoqda maktabda erkak kishi kichik sinfdagi o‘quvchini urayotganligi tasvirlangan video tarqaldi.

Bolalar ombudsmani o'rganishicha, ushbu voqea yuzasidan 2023-yil 20-dekabr kuni Gʻuzor tumanida yashovchi J.O‘. Gʻuzor tumani IIBga o‘g‘li E.S ni uning sinf rahbari dars jarayonida urganligi yuzasidan ariza bilan murojaat qilgan.

Aniqlanishicha, 2023-yil 18-dekabr kuni Gʻuzor tumanida joylashgan 40-sonli umumiy o‘rta ta’lim maktabining dars mashg‘uloti davomida, 2014-yil tug‘ilgan, 3-sinf o‘quvchisi  E.S ni dars mashg‘uloti davomida uning sinf rahbari A.X. urgan.

Ushbu holat yuzasidan hozirda Gʻuzor tumani IIB tomonidan surishtiruv olib borilmoqda.    

Yana bir bor ta’kidlaymiz, ta’lim muassasalarida bolalarga nomaqbul muomalada bo‘lish holatlari javobsiz qolishi mumkin emas. Bunga yo‘l qo‘yganlarga nisbatan tegishli javobgarlik choralari qo‘llanilishi zarur‼️

Telegram|Facebook|Instagram